نوێنەری ھەرێمی کوردستان لە وەزارەتی ناوخۆ و بەرگری عێراق : مەلەفی ئەمنی ھەموو شارەکانی عێراق ڕادەستی پۆلیس دەکرێت
![نوێنەری ھەرێمی کوردستان لە وەزارەتی ناوخۆ و بەرگری عێراق : مەلەفی ئەمنی ھەموو شارەکانی عێراق ڕادەستی پۆلیس دەکرێت](/haberresimleri/2024627/b772ecca-8dad-4d05-9d9f-816c47aeae4f.webp)
پەیامی کورد ... نوێنەری ھەرێمی کوردستان لە وەزارەتی ناوخۆ و بەرگری عێراق : مەلەفی ئەمنی ھەموو شارەکانی عێراق ڕادەستی پۆلیس دەکرێت
نوێنەری ھەرێمی کوردستان لە وەزارەتی ناوخۆ و بەرگری عێراق ئاشکرای کرد، بڕیار دراوە مەلەفی ئەمنی ھەموو شارەکانی عێراق ڕادەستی پۆلیس بکرێت و دەشڵێ، بەپێی ڕێککەوتنی نێوان ھەردوو حکوومەت مەلەفی ئەمنی شنگالیش ڕادەستی پۆلیس دەکرێت.
لیوا عەبدۆلخالق تەڵعەت، نوێنەری ھەردوو وەزارەتی ناوخۆ و پێشمەرگە لە بەغدا ڕایگەیاند: بڕیارە مەلەفی ئەمنی ھەموو شارەکانی عێراق ڕادەستی پۆلیس بکرێت و لە زۆرێک لە ناوچەکانی عێراق پڕۆسەکە دەستی پێکردووە، لە نەینەواش مەلەفی ئەمنی ڕادەستی پۆلیسی نەینەوا دەکرێت و ئیدی مەلەفی ئەمنی لەدەست ھێزەکانی سەربازی نامێنێت.
لەبارەی شنگالەوە ئەو بەرپرسەی ھەرێمی کوردستان ووتی : ڕێککەوتنی نێوان ھەردوو حکوومەت ھەرێم و فیدڕاڵ ھەیە بۆ ئاساییکردنەوەی ڕەوشی شنگال و ڕادەستکردنی مەلەفی ئەمنی بە پۆلیسی شارەکە، بەڵام تا ئێستا ڕێگری سیاسی ھەیە لەبەردەم جێبەجێکردنی خاڵەکانی نێو ڕێککەوتنی شنگال.
لیوا عەبدۆلخالق تەڵعەت ئاماژەی بۆ ئەوەکرد: "پێویستە ھێزەکانی نا یاسایی و نا شەرعی شنگال بەجێی بێڵن و ھاوشێوەی شارەکانی دیکەی عێراق مەلەفی ئەمنی ڕادەستی پۆلیس بکرێت و قایمقامێکی نوێ بۆ شنگال دیاری بکرێت، گواستنەوەی مەلەفی ئەمنی لە سەربازییەوە بۆ پۆلیس بە ھەنگاوێکی ئەرێنی دەبینین.
![وەزارەتی ناوخۆ ئەم کەسانە دەداتە دادگا](/haberresimleri/2024630/725d5eb2-d077-4aee-b6b2-9e9e66893555small.webp)
![سەرۆک بارزانی پێشوازی لە سەرۆکی دەستەی حەشدی شەعبی کرد](/haberresimleri/2024630/aa6d3814-1db2-46fb-a1b7-075417b90b8esmall.webp)
![بە بڕیاری مەسروور بارزانی زیاتر لە ٥٥٧ ملیۆن دینار بۆ خزمەتگوزاری هەڵەبجە خەرج كرا](/haberresimleri/2024628/2d3f7102-d546-490d-a97b-19a61a92ad61small.webp)
![سەرۆکی حکوومەت سەردانی تێکۆشەری ناسراو موحسین دزەیی کرد](/haberresimleri/2024627/e32100e7-8a53-437d-b2db-d8dd3ab004eesmall.webp)
![نوێنەری ھەرێمی کوردستان لە وەزارەتی ناوخۆ و بەرگری عێراق : مەلەفی ئەمنی ھەموو شارەکانی عێراق ڕادەستی پۆلیس دەکرێت](/haberresimleri/2024627/32fbfd88-153d-4439-b72e-051b0d950a8asmall.webp)
![پلانێکی ستراتیژی بۆ بەرەنگاربوونەوەی ماددە ھۆشبەرەکان](/haberresimleri/2024627/b57f2f5b-3861-45f0-96ac-bc861bb2ea52small.webp)