قایمقامی زاخۆ : سایلۆی زاخۆ دەکرێتە پارک و دوو سایلۆی تازە درووست دەکرێت
![قایمقامی زاخۆ : سایلۆی زاخۆ دەکرێتە پارک و دوو سایلۆی تازە درووست دەکرێت](/haberresimleri/202471/7a0017b6-ba90-4a7f-b679-6643d391ec33.webp)
پەیامی کورد ... قایمقامی زاخۆ : سایلۆی زاخۆ دەکرێتە پارک و دوو سایلۆی تازە درووست دەکرێت
لە وەتەی زاخۆ بووە بە ئیدارەی سەربەخۆ، حكوومەتی هەرێمی كوردستان لە هەموو ڕووەكانەوە بایەخی پێ دەدات و دەیەوێت ببێتە ئیدارەیەك لە ئاستی ژێرخانە كشتوكاڵی و بازرگانی و گەشتیارییەكەیدا بێت، و لەو ڕووەوە سایلۆی ئێستای زاخۆ تێک دەدرێت و لە جێگەیدا دوو سایلۆی دیکە درووست دەکرێت.
مشیر محەممەد، قایمقامی زاخۆ، ڕایگەیاند : لە زاخۆ سایلۆیەکمان ھەیە كە كۆن بووە و توانای هەڵگرتنی بەرهەمی دەڤەرەكەی نییە، بڕیار دراوە تێکبدرێت و شوێنەکەی بگوازرێتەوە بۆ نزیک زەوی جووتیارانی ئیدارەی سەربەخۆی زاخۆ و شوێنی ئەو سایلۆیەش دەکرێتە پارکێکی گەورە و مۆدێرن بۆ ئەوەی ڕێژەی سەوزایی لە سنووری ئیدارەی سەربەخۆی زاخۆ زیاد بکرێت، ھەر بۆیە ئەو سایلۆیە دەگوازرێتەوە و شوێنەکەی دەکەینە پارک.
لەبارەی پرۆژەی داهاتووی سایلۆ لە ئیدارەی سەربەخۆی زاخۆ ووتی: شوێنی سایلۆی ئێستای زاخۆ دەگوازرێتەوە بۆ ناحیەی دەرکارێ و سایلۆی دووەمیش لە ناحیەی باتێل درووست دەکرێت کە دوو سایلۆی تازە بە قەبارەیەکی گەورە درووست دەکرێت، ھەم نزیک بن لە شوێنی زەویی جووتیاران و بەرھەمیان، بۆ ئەوەی تێچووی گواستتنەوەیان زۆر نەبێت، ھەمیش ھەردوو سایلۆ نزیک یەک بن و توانای ھەڵگرتنی بەرھەمی جووتیارانی سنووری زاخۆیان ھەبێت.
قایمقامی زاخۆ ڕوونیشیکردەوە: ئامانج لە دروستکردنی ئەو دوو سایلۆیە، زیاتر بۆ دوو مەبەستە، ئەوانیش خزمەتکردنی جووتیاران و پێشخستنی کەرتی کشتوکاڵە، دووەمیش پاراستنی ئاساییشی خۆراکە.
![سەرۆک بارزانی پێشوازی لە باڵیۆزی ئێران لە عێراق کرد](/haberresimleri/202474/c70a353f-f2e8-4a0d-9e4f-ccc22fa7c4d3small.webp)
![سەرۆک بارزانی پێشوازی لە سەرۆکی هاوپەیمانیەتی دەوڵەتی یاسا کرد](/haberresimleri/202474/8a5800c4-a4de-4ae4-97ba-6de6fcfcbc93small.webp)
![سەرۆک بارزانی لەگەڵ سەرۆکی حێزبی تەقەدوم کۆبووەوە](/haberresimleri/202474/da88dae4-1ede-4eff-b3fb-b8bbefdfe932small.webp)
![سەرۆک بارزانی لەگەڵ سەرکردە و لایەنە سووننەکان کۆبووەوە](/haberresimleri/202474/4f5f1cb3-ef55-4048-8285-8e6b688f9f5asmall.webp)
![سەرۆک بارزانی لە بەغدا پێشوازی لە پارێزگاری بەسڕا کرد](/haberresimleri/202474/fd1a4e27-350c-4b9e-aeda-3083efca4b3dsmall.webp)
![سەرۆک بارزانی پێشوازی لە شاندێکی هاوبەشی باڵیۆزانی هەشت ووڵاتی عەرەبی کرد](/haberresimleri/202474/5f15a1fd-7b97-4753-b22c-9524ff51fac2small.webp)