مەسروور بارزانی : کۆبوونەوەیەکی زۆر باشمان لەگەڵ سەرپەرشتی وەزارەتی دەرەوەی ئێران هەبوو
![مەسروور بارزانی : کۆبوونەوەیەکی زۆر باشمان لەگەڵ سەرپەرشتی وەزارەتی دەرەوەی ئێران هەبوو](/haberresimleri/2024615/179b2f9e-78cb-404d-a4c1-9d944caeff16.webp)
پەیامی کورد ... مەسروور بارزانی : کۆبوونەوەیەکی زۆر باشمان لەگەڵ سەرپەرشتی وەزارەتی دەرەوەی ئێران هەبوو
سەرۆکوەزیرانی هەرێمی کوردستان کۆبوونەوەکەی لەگەڵ سەرپەرشتی وەزارەتی دەرەوەی ئێران بە "زۆر باش" ناودەبات و دەڵێت، پەرەپێدانی پەیوەندییە دووقووڵییەکانیان تاوتوێ کردووە.
پێشنیوەڕۆی ڕۆژی هەینی، 14-06-2024، مەسروور بارزانی، سەرۆکی حکوومەتی هەرێمی کوردستان، پێشوازی لە عەلی باقری کەنی، سەرپەرشتی وەزارەتی دەرەوەی ئێران و شاندێکی یاوەری کرد. دوای تەواوبوونی کۆبوونەوەکەی نێوانیان، کە نزیکەی کاتژمێرێکی خایاند، هەردوولا کۆنفرانسێکی ڕۆژنامەوانی هاوبەشیان سازکرد.
مەسروور بارزانی لە کۆنفرانسە ڕۆژنامەوانییەکەدا بە ناوی حکوومەت و خەڵکی هەرێمی کوردستان "بە خێرهاتنێکی گەرمی" سەرپەرشتی وەزارەتی دەرەوەی ئێرانی بۆ بەغدا و هەولێر کرد.
لەبارەی ناوەڕۆکی کۆبوونەوەکەشیان، سەرۆکوەزیرانی هەرێمی کوردستان ڕایگەیاند : "ئێمە کۆبووەنەوەیەکی زۆر باشمان هەبووە لەگەڵ جەنابی وەزیر. لەسەر پەرەپێدانی پەیوەندی دوو لایەنە، لەسەر چۆنیەتی باشترکردنی پەیوەندییە ئابوورییەکانی نێوان ئێران و عێراق، بە تایبەتی هەرێمی کوردستان، هەروەها باشترکردنی ئیستیقراری سیاسی لە ناوچەکە".
لە بەشێکی دیکەی کۆبوونەوەکەدا وەکوو ئەوەی سەرۆکوەزیران باسی کرد، هەردوولا باسیان لە "کێشە و گرفتە ئەمنییەکانی ناوچەکە"ـیان کردووە و هاوڕابوونە لەسەر ئەوەی سەقامگیری ناوچەکە "لە بەرژەوەندیی دوو لایەنە و هەموو ناوچەکەدایە".
تەواوی قسەکانی مەسروور بارزانی لە کۆنفرانسە ڕۆژنامەوانییەکەدا:
بە ناوی خۆم و حکوومەت و خەڵکی هەرێمی کوردستان بە خێرهاتنێکی گەرمی عەلی باقری، سەرپەرشتیاری وەزارەتی دەرەوەی کۆماری ئیسلامی ئێران بۆ بەغدا و هەولێر دەکەم. زۆر زۆر بەخێربێی جەنابی وەزیر.
ئێمە کۆبووەنەوەیەکی زۆر باشمان هەبووە لەگەڵ جەنابی وەزیر لەسەر پەرەپێدانی پەیوەندی دوو لایەنە، لەسەر چۆنیەتی باشترکردنی پەیوەندییە ئابوورییەکانی نێوان ئێران و عێراق، بە تایبەتی هەرێمی کوردستان، هەروەها باشترکردنی ئیستیقراری سیاسی لە ناوچەکە.
باسی کێشە و گرفتە ئەمنییەکانی ناوچەکەمان کرد، هاوڕابووین لەسەر ئەوەی کە ئیستیقراری ناوچەکە لە بەرژەوەندی دوو لایەنە و هەموو ناوچەکەدایە.
جارێکی دیکە بەخێرهاتنێکی گەرمی جەنابی وەزیر دەکەم، زۆر زۆر بەخێربێن.
![لەسەر فەرمانی سەرۆکی حکوومەتی هەرێمی کوردستان مەسروور بارزانی بڕیارێکی گرینگ لە قازانجی گشتی دەردەکرێت](/haberresimleri/2024625/e54eadd8-009c-471b-9a85-08aaf1e1b71fsmall.webp)
![نێچیرڤان بارزانى، سهرخۆشى له خانهوادهى خوالێخۆشبوو سهفیر ئهحمهد خاڵه دەکات](/haberresimleri/2024625/9621e84b-7307-48b2-8bb3-29d67cef2f2csmall.webp)
![سەرۆک بارزانی پێشوازی لە باڵیۆزی هۆلەندا لە عێراق کرد](/haberresimleri/2024625/0b3ca1a4-e3bb-461d-84ab-7e06bdcbb8f2small.webp)
![سەرۆکی حکوومەت بەشداری لە پرسەی خوالێخۆشبوو سەفیر ئەحمەد خاڵە کرد](/haberresimleri/2024625/73fe709e-28d1-4479-bc7a-60b9c144118esmall.webp)
![سەرۆکی حکوومەتی هەرێمی كوردستان پێشوازی لە باڵیۆزی هۆڵەندا لە عێراق کرد](/haberresimleri/2024625/c23a703f-ef0d-45d7-9cb8-89f785879e81small.webp)
![چوار بەرھەمی زاخۆ رەوانەی قەتەر دەکرێن](/haberresimleri/2024624/fd67edbd-3ecf-4e4b-a16e-c483c4773f9csmall.webp)