image


پەیامی کورد … سامرا/ داعش چوار کەسی لەسێدارە دا

ئەمشەوی یەكشەممە چەكدارانی ڕێكخراوی تیرۆریستیی داعش چوار كەسیان لە سامەرا لەسێدارەدا.

سەرچاوەیەكی ئەمنی لە پارێزگای سەڵاحەدین بە میدیاكانی عێراقی راگەیاندووە، دوای چەند كاتژمێرێكی كەم لە ڕفاندنی پێنج ڕاوچی، ئەمشەو چەكدارانی داعش چوار لە ڕاوچییەكانیان لە نزیك شاری سامەڕا لەسێدارەدا، ڕاوچیی پێنجەمیش بەپەرچوو لەدەست چەكدارانی داعش هەڵاتووە و ڕزگاری بووە.

بەپێی سەرچاوەكە، چەكدارانی داعش لە ناوچەیەكی كشتوكاڵیدا لە باكووری سامەڕا، چوار لەو ڕاوچییانەیان كوشتووە، كە ئەمڕۆ ڕفاندبوویانن، بەڵام پێنجەم ڕاوچی خۆی لەدەست چەكدارانی داعش ڕزگار كردووە و هەڵاتووە.