image

سەرۆكی رژێمی سوریا رایدەگەیەنێت، کە ئەركەکانی سوپای وڵاتەکەی لەغۆتەی رۆژهەڵات لەنزیك دیمەشقەوە بەردەوام دەبێت لەگەڵ ڕێگەپێدان بەهاتنە دەرەوی هاووڵاتیانی سڤیل لە ناوچەكەدا كە لەژێر دەسەڵاتی چەكدارانی ئۆپۆزسیۆندایە.
لە لێدوانێكی رۆژنامەوانیدا (بەشار ئەسەد)  سەرۆکی رژێمی سوریا رایگەیاندووە، کە هیچ دژایەتیكردنێك نییە لەنێوان ئاگربەستەكەو ئەركی سوپادا، ئەو پێشڕەوییەی دوێنێ یەک شەممە هێزەکانی سوپا لە غۆتەی رۆژهەڵات كردوویانە لەمیانەی ئەو ئاگربەستەدا كراوە.
دەشڵێت، دەبێت بەردەوام بین و ڕێگەش بدەین هاووڵاتییانی سڤیل لەناوچەكە بێنە دەرەوە.
بەپێی ئاگربەستەکە کە روسیا بڕیاری لەسەرداوە، ڕۆژانە لەكاتژمێر (٩)ی بەیانییەوە تا (٢) پاش نیوەڕۆ دەبێت شەڕ بوەستێت، نەتەوە یەكگرتووەكانیش ئەو ئاگربەستەی بە گاڵتەجاڕی وەسف کردووە.