image

پەیامی کورد      ...    لاهوور جەنگی ماوەی چوار ڕۆژە لە هۆتێلی بەناوبانگی لالەزار لەگەڵ چەند کەسایەتی دژ بە کورد خەریکی پیلانی مەترسیدارن

بە پێی هەواڵ و زانیارییەکان سالار تاڵەبانی یەکێک لە پاسەوانەکانی پێشووی ئاراس جەنگی لە لاپەڕەی تایبەتی خۆی لە تۆڕی کۆمەڵایەتی فەیسبووک " مێتا " نووسیویەتی و ڕایگەیاندووە : ماوەی چوار ڕۆژی ڕابردوودا لاهوور جەنگی لە هۆتێلی بەناوبانگی لالەزار لەگەڵ چەند کەسایەتی دژ بە کورد خەریکی پیلانی مەترسیدارن .

لاهوور جەنگی هاوکات لەگەڵ عەبەی مەلا نووری یەکێک لەو کەسانەی کە پێشتر لە بزووتنەوەی گۆڕان بووە و لە ئێستادا بە دوای درووستکردنی حێزێکی نوێ لە سلێمانییە لە کۆبوونەوەیەدا باسیان لە چەند شتی گرینگ کردووە کە میلیشیا شیعەکانی عێراق یش بەڵێنی پاڵپشتی کردنی ئەم کارەیان پێداون .

هەروەها جێگای ئاماژەدانە لەم دانیشتنە چەند ڕۆژیەدا جگە لە لاهوور جەنگی و عەبەی مەلا نووری " یووسف موحەمەد ، مەسعوود عەبدۆلخالق و سۆران عۆمەر " ئامادەی بوون و لە هۆتێلی لالەزار لە گردی سەرچنار سەبارەت بە چۆنیەتی دامەزراندنی حێزبە نوێیەکەی عەبەی مەلا نووری قسە و گفتۆگۆ کراوە .

لەمبارەیەوە هەروەها ڕاگەێندراوە و زانیاری تەواو هەیە کە ئەم چەند کەسە دەربارەی ئەوەی کە چۆن دەکرێت لاهوور جەنگی بکەن بە سکرتێری گشتی و عەبەی مەلا نووری ش بکەن بە جێگری سکرتێر و کەسەکانی دیکەش بکرێن بە سەرکردەی باڵا هاوشێوەی ئەندامانی مەکتەبی سیاسی .قسە و باسیان کردووە .

جێگای گرینگیدانە کە لەم کارەدا شیعەکانی عێراق بەڵێنی تەواویان پێداون کە پاڵپشتی داراییان بکەن و هەروەها ڕەزامەندی حکوومەتی ناوەندی بەغدا بۆ حێزبەکەیان وەردەگرن بەڵام بە مەرجێک کە لەگەڵ شیعەکان هاوڕا و هابیر بن و وەک ڕابردوو بەشێک بن لە بەرەی مقاومە لە دژی بەرژەوەندییەکان کورد و کوردستان .