image

كۆمسیۆنی باڵای هه‌ڵبژاردنه‌كانی عێراق بئڕیاریداوە، کە ژمارەیەك كاندید و لیست و حزبی سیاسی سزای دارایی بدات.

له‌ به‌یاننامه‌یه‌كدا كه‌ریم ته‌میمی، وته‌بێژی كۆمسیۆنی باڵای سه‌ربه‌خۆی هه‌ڵبژاردنه‌كانی عێراق بڵاویکردووەتەوە، کە "بڕیار بۆ سزادانی (١٠٠) كاندید‌ و نزیكه‌ی (٢٥) حزب و لیست و هاوپه‌یمانی سیاسی ده‌ركراوه‌".

ئاماژی بەوەشکردووە، کە سزادانی ئه‌و كاندید و لیست و حزبانه‌ به‌هۆی پابه‌ندنه‌بوونیانه‌وه‌ بووه‌ به‌و رێوشوێنان و رێنماییانه‌ی كۆمسیۆنی باڵای هه‌ڵبژاردنه‌كانی عێراق بۆ بانگه‌شه‌ی هه‌ڵبژاردن دیاریكردووه‌.

وته‌بێژەکەی كۆمسیۆن ئاشکراشیکردووە، کە سزای ئه‌و كاندید و لیستانه‌ داراییه‌، به‌ڵام له‌وه‌ ئاگاداركراونه‌ته‌وه‌ كه‌ ئه‌گه‌ر ئه‌و پێشێلكاریانه‌ دووباره‌ی بكه‌نه‌وه‌ مافی پاڵێوراوییان لێوه‌رده‌گیرێته‌وه‌.