image

پەیامی کورد      ...   هونەرمەندی دیاری پارێزگای کەرکووک لە سوید گیانی لە دەستدا

نازم عەلی کاکەیی، ھونەرمەندی موزیکژەنی دیاری کەرکووک، شەوی رابردوو بە کۆرۆنا لە نەخۆشخانەیەکی سوید گیانی لە دەستدا.

نازم عەلی کاکەیی ماوەی چەند رۆژێک بو بەهۆی تووشبوون بەکۆرۆنا باری تەندرووستی ناجێگیربوو لەنەخۆشخانەیەکی سوید چارەسەردەکرا، شەوی رابردوو کەس وکارەکەی گیان لە دەستدانی ناوبراویان راگەیاند.

نازم عەلی تەمەن ٦٤ ساڵ، لە ساڵی ١٩٧٤ پەیمانگەی ھونەرە جوانەکانی بەغدای تەواوکرد، لەگەڵ هونەرمەندانی بەناوبانگی عیراق کازم ساهر، یاس خزر و سەعدوون جابر و دەیان هونەرمەندی دیکە دا کاریکردوە.
لەساڵی ١٩٩٦-ەوە لە سوید دەژی، خەڵکی گوندی زەنقەری کاکەیینشینە لە قەزای داقووق، بەرلەوەی بچێتە ئەورووپا لە گەڕەکی حەمزەلی کەرکووک نیشتەجێبوە و باوکی دوو کوڕە.

لقی کەرکوکی سەندیکای هونەرمەندانی کوردستانیش لەوبارەیەوە ، پرسەو سەرەخۆشی خۆی ئاراستەی خانەوادەو کەس و کاری کۆچکردوو کرد و رایگەیاند،" داواکارین یەزدانی مەزن ڕۆحی هونەرمەند (نازم کاکەیی)بە بەهەشتی بەرین شادبکات."