image

پەیامی کورد     ...   حەمەی حاجی مەحموو بۆ عەبادی :  هەر کاروانێک بۆ ئازادی بڕوانێ کەم بن یان زۆر هەر دەگەن بەخۆر

دوای ئەوەی دوێنێ هاوپه‌یمانی نه‌سڕ به‌ سه‌رۆكایه‌تی حه‌یده‌ر عه‌بادی ڕاگه‌ێندراوێكی بڵاوكرده‌وه‌ و تێیدا باسی له‌ ڕووداوه‌كانی ١٦ی ئۆكتۆبه‌ر و وەرگرتنی داهاتە فیدڕاڵییەکان لەهەرێمی کوردستان کرد و وەک دەستکەوتی هاوپەیمانییەکەیان ناوی برد، محه‌مه‌دی حاجی مه‌حموود سکرتێری حزبی سۆسیالیست رایدەگەێنێت، عەبادی "وەک كه‌سێكی مۆجریم و شكست خواردو، وەجاخی سەدام و عەلی حەسەن مەجیدی رۆشنكردوەتەوە".

محه‌مه‌دی حاجی مه‌حموود، سکرتێری حزبی سۆسیالیست دیموکراتی کوردستان لەنووسینێکدا بەناونیشانی (کێ ڕوی ڕژێمەکەی سەدامی لە ئێستادا سپی کردەوە..؟) نووسیویەتی، "هەندێک جار وا پێویست دەکات ئاوڕێ لە ڕابردوو بدەینەوە، تاوەکوو بۆ ئێستاو داهاتوومان سوودی لێوەربگرین، بەڵام ئەوەی مایەی سەرسووڕمانە ئەوەیە کێ لاپەڕە ڕەشەکانی خۆی هەڵدەداتەوەو شانازی بە تاوانە قێزەونەکانیەوە دەکات، ئەویش (عەبادی مۆجریم) ە یادی ١٦ی ئۆکتۆبەر دەکاتەوەو وەک پاڵەوانی عەرەب، خۆی نیشان دەدات بە شانازییەوه باسی دەکات".

ئاماژەی بەوەشکردوە، "له دوای ڕوخاندنی ڕژێمی سەدام حسێن (عەبادی) عێراقی لەبەریەک هەڵوەشاند و وەجاخی عەلی حەسەن مەجید و سەدامی روشن کردەوە، گەورەترین تاوانێک لە دوای رژێمەکانی عێراقەوە ئەنجام درابێ عەبادی پەروەردەی دەستی ئینگلیزەکان و بەریتانیا، ڕووی تاوان بارانی سەرانی یەک لە دوای یەکی عێراق یان سپی کردوە و پەلاماری هەرێمی کوردستانیان دا و دەیان پێشمەرگەیان شەهید و بریندار کرد، بە چەک و تانک و زرێپۆش و هەمەری ئەمریکی پەلاماری کەرکووک و داقوقیان داو سەدان خانویان له دوز خورماتوو لەگەڵ خاک تەخت کرد، مزگەوت و نەخۆشخانە و جێگا پیروزەکانیان وێران کرد و ڕوی تاوان بارانی مێژویان سپی کردەوە".

سکرتێری حزبی سۆسیالیست باس لەرۆڵی عەبادی بەراورد بە سەرۆکەکانی پێشووی عێراق دەکات و دەڵێت، "دوای چوار ساڵ عەبادی موجریم به سەرکەوتن قارەمانیەتی بۆ خۆی وەسفی ئەکات، بۆیە ئێمەش وەبیریان ئەهێنینەوە ئەو ڕژێمانەی پێش ئەوان سەرۆکەکانی عێڕاق چیان بەسەر هاتوە، چارەنووسی عەبادی و ئەوانەی وەک ئەو مۆجریمەش چارەنوسیان لەوان باشتر نابێت هەر بۆیە خەڵکی عێراق سزای عەبادیان دا، چۆن سیاسەتی کوشتن و بڕینیان ڕەتکردەوە، خەڵکی عێراق ساڵەهای ساڵە تینووی ئازادی و دیموکراتی و پێکەوە ژیانی سیاسین نەک بەکارهێنانی هێز بۆ شەڕو کوشتار".

ئەوەشی خستوەتەڕوو، "من پیشتریش باسم کردوە نەئەبوو تاوانبارێک کە دەستی به خوێنی کورد سووره به تایبەتی تاوانبارێکی وەک عەبادی له دوای تاوانەکان، ڕێگای بدرێ برینەکان کە ساڕێژ نەبوە بیکولێنێتەوە، مێژوو بۆ سەدانی وەک عبادی سەلماندووە، هەر کاروانێک بۆ ئازادی بڕوانێ کەم بن یان زۆر هەر دەگەن بەخۆر، مێژووش لەسەرەنوێلکی مێژوودا فڕێیان دەدات".