image

پەیامی کورد    ...   ئەدهەم بارزانی پەیامێکی گرینگ بڵاو دەکاتەوە  " مردنیش من و ووڵات لەیەک دوور ناخاتەوە "

ئەدهەم بارزانی ئەندامی پێشووی سەرکردایەتی پارتی دیموکراتی کوردستان لەبارەی گەڕانەوەی بۆ هەرێمی کوردستان ڕوونکردنەوەیەکی بڵاوکردەوە و تێیدا رایگەیاند، بەمەبەستی چارەسەری نەخۆشی سەردانی دەرەوەی کردوە و بەمزوانە دەگەڕێتەوە.

لەپێگەی تایبەتی خۆی لەتۆڕی کۆمەڵایەتی فەیسبووک، ئەمڕۆ هەینی ئەدهەم بارزانی یڵاویکردەوە، ئەو سەفەرە، لە راگەیاندنی کوردستان و دەرەوەشدا ،کۆمەڵێک دەنگۆی زۆر و راو بۆچوونی جۆراوجۆر و جیاوازی لێکەوتەوە، بەھۆی ھەڵوێستەکانم لە مەڕ داگیر کردنی خاکی کوردستانی وولاتمان ، ئێستاش ئێوەی خۆشەویست دڵنیا دەکەمەوە، کە کوردستان وارگەی پیرۆزی منە و تەنانەت مردنیش من و ووڵات لەیەک دوور ناخاتەوە .

ئەدهەم بارزانی رۆژی 29-5-2021  هەرێمی کوردستانی بەجێهێشت و دوای بڵاوکردنەوەی پەیامێک لەبارەی هێرشەکانی تورکیا بۆ سەر ناوچە سنوورییەکانی هەرێمی کوردستان کە تێیدا باسی لەوە کردبوو "کوردستان کەوتوەتە بەر گەڕێکی دیکەی داگیرکاری سوپایی و جینۆسایدی ژینگەیی"، دەنگۆی ئەوە بڵاوکرایەوە کە بەتەواوی کوردستانی بەجێهێشتوە و ناگەڕێتەوە.
 

 دەقی ڕوونکردنەوەکەی ئەدهەم بارزانی:

  • خوشکان و برایانی بەهاگران

سلاو و حوورمەتی بێ پایان
دوای ئەوەی بە مەبەستی  سەفەر و ھندێک چارەسەری پزیشکی بۆ ماوەیەک لەدەرەوەی کوردستان بووم .
ئێستا بە لوتفی پەروەردگاری مەزن باشم  بەرەو ووڵات و خاکی پیرۆزی نیشتیمان  لە ماوەیەکی کەم دا دەگەڕێمەوە .
ئەو سەفەرە، لە راگەیاندنی کوردستان و دەرەوەشدا ،کۆمەڵێک دەنگۆی زۆر و راو بۆچوونی جۆراوجۆر و جیاوازی لێکەوتەوە،  بە ھۆی ھەلوێستەکانم لە مەڕ داگیر کردنی  خاکی کوردستانی ولاتمان ، ئێستاش ئێوەی خۆشەویست دڵنیا دەکەمەوە، کە کوردستان وارگەی پیرۆزی منە و تەنانەت مردنیش من  و  ووڵات لەیەک دوور ناخاتەوە .
ئەوەی من باسم لێکردووە  و ھەلوێست وبۆچونەکانم گۆانکارییەکیان بە سەر دا نە ھاتووە و ئەوەی داکۆکی لێ دەکەمەوە ئەوەیە، کە لای من پرسی پارێزگاری لە نیشتیمان و هەلوێستی دژە داگیرکاری، بڕیاری  هەمیشەیین  و من بەردەوام لەسەر ئەو هەڵوێستە دەمێنمەوە 
و هەرگیز لەو هەڵوێستە نشتیمانیانە پاشەکشە ناکەم .
بێ ئەندازە سوپاسگوزاری و پێزانینم بۆ نیگەرانی و لێپرسینەکانتان هەیە لە ھەموو بەشەکانی کوردستان بە گشتی و لە ھەندەران بە تایبەتی  کە لەو ماوەیەدا بۆ برای خۆتان هەتانبووە و ھەمیشە  لە رێزەکانی  پێشەوەی خزمەتکردن و خزمەتکاری ئێوەی ئازیزدام لە ھەر شۆێنێک بم.
 براتان 
ئەدهەم بارزانی