image


پەیامی کورد... زلێنسکی: ڕووسیا دەیەوێت ناوچەکانی دۆنباس خاپوور بکات

سەرۆکی ئۆکراینا ڕایگەیاند، هێزەکانی سوپای ڕووسیا بە بۆردوومانکردن و بە ئامانج گرتنی تەواوی شارەکانی سەر بە ناوچەی دۆنباس دەیەوێت ئەو ناوچەیە تێکوپێکبشکێنێت و بەڵام بەم شێوەیەی ئێستاش هەر بەردەوامدەبن لە ڕاوەدونانی دەستی داگیرکەرانەی وڵاتەکەیان.

ئەمڕۆ پێنجشەممە، بەپێی تۆڕی هەواڵی BBC، ڤۆڵۆدمیر زلێنسکی، سەرۆکی ئۆکراینا لە میانەی چاوپێکەوتنێکیدا ڕایگەیاندوە، هێزەکانی ڕووسیا دەیانەوێت بەهەرچ شێوەیەک بێت ئۆکراینا و ناوچەکانی دۆنباس وێرانبکەن و تێکوپێکیبشکێنێت.

وتیشی، "سوپای ڕووسیا بەشێوەیەکی چڕوپڕ دەستی کردوە بە بۆردومانکردنی تەواوی ناوچەکانی دۆنباس و بە هاوکاری تۆپهاوێژ و فڕۆکە جەنگییەکانی دەیانەوێت تاواوی شارەکانی ئەو ناوچەیە خاپوور بکەن".

سەرۆکی ئۆکراینا باسی لەوەشکردوە، "ئێمە سەدانجار ئەوەمان دوپاتکردوەتەوە کە تا ئەو کاتەی بەخێرایی و بەردەوامی چەک بە هێزەکانی وڵاتەکەمان نەگات ناتوانین بەهیچ شێوەیەک پارێزگاری لە شارەکانمان بکەین، بەڵام بەم شێوەیەی ئێستاش کۆڵنادەین و بەردەوامدەبین لە ڕاوەدونانی دەستی داگیرکەرانەی وڵاتەکەمان".

ئاماژەی بەوەشکردوە، "هێزەکانی ڕووسیا بەشێوەیەکی گشتی تەواوی ئامانج و تیشکی هێرشەکانیان خستووتە سەر هەردو شاری سڤرۆدنێستک و لیسیکێنسک، چونکە لەو بڕوایەدان دوا خاڵی ڕوبەڕوبونەوەی هێزەکانیانە لەگەڵ هێزەکانی وڵاتەکەمان".

ئەمەش لە کاتێکدایە پێشتر بەهۆی بۆردوومان و وێرانکردنی بەشێکی زۆری شارەکانی وڵاتەکەیەوە سەرۆکی ڤۆڵۆدمیر زلێنسکی، سەرۆکی ئۆکراینا ڕایگەیاندبو، بڕی ٥. ٠٠٠. ٠٠٠. ٠٠٠ (پێنج ملیار) دۆلارمان پێویستە بۆ پشتگیریکردنی سیستەمی ئابوورییان کە ئێستا نیوەی ئەو سیستەمە لەکارکەوتوە، هیچ وڵاتێکیش ناتوانێت لە دۆخێکی لەو شێوەیەدا بژی تا یارمەتی دارایی وەرنەگرێت و کار بۆ بنیاتنانەوەی شارەکانی نە