image


پەیامی کورد … پنتاگۆن دوو مووشەكی نوێی بە سەركەوتوویی تاقیكردەوە

هێزە دەریاییەكانی ئەمریكا ڕایگەیاند، تاقیكردنەوەیەكی سەركەوتووی بۆ دوو مووشەكی بالیستی جۆری (Trident II) لەسەر ئاوەكانی زەریای ئەتڵەسی ئەنجامداوە.

هێزە دەریاییەكان لە بەیاننامەیەكدا ئاشكرایكرد، هەردوو مووشەكەكە بەبێ كڵاوەكانیان لەسەر ژێردەریایی (USS Wyoming) لە ناوەندی تاقیكردنەوەكانی ڕۆژهەڵاتی كەنارەوانەكانی كانافیراڵ لە فلۆریدا ڕۆژی 17ی ئەم مانگە هەڵدراون.

بەپێی بەیاننامەكە، “تاقیكردنەوەكە جەخت دەكاتەوە لەسەر ئامادەسازی و توانامان لە بواری بەرپەرچدانەوەی ستراتیژی لە سەدەی 21دا”.

ئاماژەی بەوەشداوە تاقیكردنەوەكە، تاقیكردنەوەی ئەزموونی 184-ەمینی مووشەكی بالیستی جۆری (Trident II)یە.