image

پەیامی کورد     ...    ئەمریکا : سەبارەت بە هەنگاوەکانی ڕووسیا لە سنووری ئۆکراین هەموو بژاردەکان لە سەر مێزە .

ئەمریکا جارێکی دیکە سەبارەت بە کۆگاکردنی هێز و چەک و تەقەمەنی لە سنووری ئۆکراین هۆشداری دەداتە ڕووسیا .

بە پێی ڕاپۆرتێک لە زاری ڕۆیتەرز ئەمریکا هۆشداری دەداتە ڕووسیا دەربارەی زیادبوونی هەژموونی سەربازی و نیزامی لە سنووری ئۆکراین هەستیارە و لەم بارەیەوە هەموو بژاردەکان لەوانەش سەربازی و نیزامی لە سەر مێز دانراون .

جێگری وەزیری دەرەوەی ئەمریکا لە کاروباری ئەورووپا جەختی کردەوە : لە دانیشتنی داهاتووی ناتۆدا سەبارەت بە بابەتی کۆگاکردنی چەک و هێزەکانی ڕوسیا لە سنوور لەگەڵ ئۆکراین بڕیار دەدرێت تاکوو ووڵامی پێویست بە مۆسکۆ بدرێتەوە .

ئانتۆنی بلینکن وەزیری دەرەوەی ئەمریکا ش هەژموونی سەربازی و نیزامی ڕووسیای لە سنوور لەگەڵ ئۆکراین زۆر نایاسایی ناو بردووە .

سکرتێری گشتی ناتۆ جەختی کردووەتەوە ئەگەر ڕووسیا بێت و دەست بە هەنگاوی سەربازی و نیزامی بدات لە سنوورەکانی ئۆکراین دا ئەوە لەگەڵ بەرەوڕووبوونەوەیەکی جیددی خۆی دەبینێتەوە .