image


پەیامی کورد ... ئەڵمانیا/ ٣١ پەنابەری عێراقی دەستگیر کران

پۆلیسی ئەڵمانیا دەستگیرکرانی 31 پەنابەری عێراقیی لە ئۆتۆمبێلێکی بچوکدا ئاشکراکرد کە لەنێوان سنووری پۆڵەندا و ئەڵمانیا بوون و تەندروستییان باش نەبووە.

پێگەی DWی ئەڵمانی بڵاویکردەوە، ئەو پەنابەرە عێراقییانە کە ژمارەیان 31 کەسبووە لە ویلایەتی مەڵکەنبورگ – فۆربۆمرن دەستگیرکراون، لە دوو ژن، 10 منداڵ و 19 پیاو پێکهاتبوون.

پۆلیسی ئەڵمانیا باسی لەوە کردووە، تەندروستیی منداڵەکان باشنەبووە و پێڵاوەکانیان تەڕبووە و بە کاغەزی ئەلەمنیۆم قاچەکانیان داپۆشرابوو ئەمەش تووشی برینداری کردبوون.

دوای دەستگیرکردنیان ئەو پەنابەرانە ڕەوانەی بنکەی پۆلیس باسفاڵک کراون.

هەریەکە لە ئەڵمانیا و پۆڵەندا حکومەتی بیلاڕوسیا تۆمەتباردەکەن بە ناردنی پەنابەران بەشێوەیەکی ڕێکخراو بۆ وڵاتەکانیان لەڕێگەی سنورەکانییەوە بۆ وڵاتانی یەکێتیی ئەوروپا.