Serokkomarê Tirkiyê Erdoğan bi heyeta xwe ve giha payîtexta Kurdistanê Hewlêrê
PeyamaKurd – Serokkomarê Tirkiyê Recep Tayip Erdoğan bi heyeta xwe ve ji Bexdayê çû Herêma Kurdistanê û li balafirgeha Hewlêrê ji aliyê serokê Herêma Kurdistanê Nêçîrvan Barzanî ve hat pêşwazîkirin.
Erdoğan, bi heyeta pê re, piştî bi serokkomarê Iraqê Latif Reşîd û serokwezîrê Iraqê Muhammed Şiya es-Sudani re hevdîtin kir, ber destê êvarê çû Herêma Kurdistanê û serokê Herêma Kurdistanê bi merasima fermî pêşwaziya wî kir.
Di merasimê de serokwezîrê Kurdistanê Mesrûr Barzanî, cîgirê serokwezîrê Kurdistanê Qubad Talabanî û wezîrên din amade bûn.
Bi Erdoğan re, wezîrê karên derve Hakan Fidan, wezîr Ali Yerlikaya, wezîr Yaşar Güler, wezîr Ömer Bolat, wezîr Abdulkadir Uraloğlu, wezîr İbrahim Yumaklı, wezîr Alparslan Bayraktar, wezîr Muhammed Fatih Kaçar, Fahreddin Altun û balyoz Akif Çağatay Kılıç hebûn.
