image

Aktrîsta navdar a amerîkî û xwedana xaleta Oscarê Jennifer Lawrence ragihand, ku ji bo dema xwe zêdetir bide siyasetê dê çend salan dest ji karê sînemayê berde.

Jennifer Lawrence ji malpera Entartainment Weekly re axivî û da xuyakirin, ku ew naxwaze di salên 2018 û 2019ê de di ti fîlmekê de rol bilîze.

Stêrka sînemayê ya 27 salî li ser vê yekê jî got, ku ew zêdetir dixwaze giraniyê bide siyaset û karên siyasî.

Lawrence di hevpeyvîna xwe de destnîşan kir, ku ew weke nûnerê saziyeke bi nave “Represent.Us” e û ev rêxistin li dijî gendeliyê kar dike.

Sînemakara amerîkî diyar kir, ku ew dê hewl bide ciwan zêdetir tevlî siyasetê bibin û got: “Ji bo vê yekê pêwîst nake mirov partisan be. Ezê jî tenê alîkarê wê yekê bim, ku yasayên li dijî gendeliyê derbikevin.”