image

PeyamaKurd – Kompaniya lêkolîn û rapirsiyên civakî Rawestê, di encama lêkolînekê de derxistiye holê ku %44ê ciwanên Kurd naxwazin hezkiriya wan ango evîndarên wan Tirk bin.

Rawest ku navenda wê li bajarê Diyarbekir ê Bakurê Kurdistanê ye, li ser hezar 500 ciwanên Kurd ên li bajarên Diyarbekir, Wan, Mêrdîn, Riha, Mêrsîn, Edene û Îzmîrê ev lêkolîn kiriye.

Di encama rapirsînê derketiye holê %34ê ciwanên Kurd dixebitin, lê ji %24ê wan karên ku ti taybetmendiya wê nîne dikin.

Li gorî rapirsiyê ji her 2 ciwanên Tirk yek ji wan kar dike lê ji her 3 ciwanên Kurd yek ji wan xwedî kar e.

Di rapirsiyê de, ciwanên Kurd xwe weke Misilman, Kurd û Azadîxwaz dane nasandin, ji 5 ciwanên AKPyî 4ên wan jî xwe weke misilman dane nasandin.

Herwiha derketiye holê ku ciwanên Kurd ji rewşa jiyanê ya bajarên xwe nerazî ne û ji ber rewşa siyasî û civakî ya 5 salên dawî %49ê ciwanan koç kirine û ji her 10 ciwanan 7ê wan jî rastî bêtehemulî û cûdakariyê hatine.

Di heman rapirsînê de, derketiye holê ku ji sedî 44ê ciwanên Kurd naxwazin hezkiriyê wan ango evîndarê wan Tirk bin.