image

PeyamaKurd - Li parêzgeha Esfehan a Îranê li dijî kêmbûna avê xwepêşandanên bi diruşma ‘xwepêşandanên tîbûnê’ têne lidarxistin.

Ev çend roj in, ji ber kêmavîyê bi navê “xwepêşandanên tîbûnê” li parêzgeha Esfehan a Îranê têne lidarxistin.

Malpera El-Erebiye daye xuyakirin ku polîsan ji bo belavkirina xwepêşandêran bombeyên gazê bi kar anîne. Herwiha li ser medya civakî wêneyên kesên di xwepêşandanan de birîndar bûne hatine belavkirin.

Ev hefteyek e li parêzeha Esfehan li dijî ziwabûna çemê Zayandeh Rud û bikaranîna ava çem ji bo pîşesaziyên leşkerî û bazirganiyê yên hikumetê, xwepêşandan têne lidarxistin. Polîsan duh li parêzgehê êriş biribûn ser konên cotkaran û agir pê xistibûn, her wiha nehiştin ku cotkarên li Esfehanê xwepêşandanê dewam bikin.

Hêjayî gotinê ye, hefteya borî jî bi hezaran kes derketin kolanan û li hemberî tîbûnê û ziwabûna berhemên wan xwepêşandan li dar xistibûn.