image

PeyamaKurd – Êrîşa çekdarên DAIŞê li ser gundekî devera Sergeran ya Kerkûkê, ji aliyê Pêşmergeyan ve hat şikandin.

Şeva borî derdora 10 terorîstên DAIŞê, bi kincên artêşa Iraqê êrîşî gundê Lihêban yê nahiya Sergeran ya bajarokê Dûbiz yê Kerkûkê kirin.

Li gorî zanyariyan, terorîstên DAIŞê ketibûn nav gund û li dû çend karmendên şîrketa neftê digeriyan, lê gundiyan agahî li ser wan nedabûn terorîstan.

Zanyarî eşkere dikin, xelkê gund daxwaz ji hêzên Pêşmerge yên navçeya Sergeran ya PDKê kiribûn bi hewara wan de werin, Pêşmergeyan jî teqe li terorîstan kiribûn û terorîst ji wê deverê dûr xistibûn.