image

PeyamaKurd - Wezîrê Navxwe yê Tirkiyê Suleyman Soylu îro 11ê Cotmehê eşkere kir ku 2 polîsên wan ên Erkên Taybet li bakurê Sûriyê hatin kuştin.

Wezîrê Navxwe ya Tirkiyê Suleyman Soylu li ser Twitterê got ku ‘2 endamên polîsên Erkên Taybet Cîhad Şahîn û Fatih Dogan li bajarokê Mariê di êrîşeke moşekî ya YPGê de hatin kuştin.’

Wezareta Navxwe ya Tirkiyê doh Yekşemê ragihandibû ku YPGê ji bajarokê Til Rifatê ve bi moşekekê êrîşî zirîpoşeke Tirkiyê di navbera Mariê Ezazê de kiriye.

Ji aliyê YPGê ve derbarê mijarê de daxuyaniyek nehatiye dayîn.

Bajarokê Mariê dikeve rojhilatê Til Rifatê û di destê komên çekdar ên bi ser Tirkiyê ve de ye.