image

PeyamaKurd – Li Bexdayê hewla reva girtiyên girtîgehê hat pûçkirin û di encamê de girtiyek hat kuştin.

Berpirsekî ewlehiyê yê Hikûmeta Iraqê ji medyaya Iraqî re diyar kiriye, îro danê sibê 3 girtiyên li girtîgeha Tacî ya Bexdayê xwestin birevin, lê hewla wan hat pûçkirin.

Li gorî zanyariyan, nobedarên girtîgehê ew girtî dan ber guleyan û di encamê de yek hat kuştin û yên din jî hatin girtin.

Ew girtiyên ku hewla revê dabûn, bi sizayê heta hetayê hatine mehkûmkirin.

Girtîgeha Tacî ku bi navê girtîgeha Hût jî tê nasîn, ketiye bakurê Bexdayê. Girtîgehekî mezin e û tê de bi hezaran girtî hene.