image

PeyamaKurd – Balafirên şer ên Îsraîlê, îro serê sibehê Bendera Laziqiyê bombebaran kirin.

Li gor medya fermî ya Sûriyê li ser zimanê berpirsekî serbazî ku navê wî eşkere nekiriye diyar dike, hejmarek moşekan navçeya konteyneran li Bendera Laziqiyê kirine armanc û di encamê de hinek konteyner şewitî ne. Ev wek êrîşeke balkêş li ser Bendera Laziqiyê tê dîtin ku rêyeke girîng a hawirdeya kelûpelan e li nav Sûriyê.

Medya fermî ya Sûriyê herwiha da zanîn, dengê pênc teqînan ji bendera navborî hatiye bihîstin ku agireke mezin derketiye û tîmên berevaniya şaristanî ji bo wê derê hatine şandin. Lê heta niha derbarê êrîşê de tu daxuyaniyek ji aliyê Îsraîlê ve nehatiye dayîn.