image

PeyamaKurd – Îro 18ê Mijdarê piştî ku Banka Navendî ya Tirkiyê biryara pûanekê kêmkirina faîzê da, dolarê amerîkî ku bi ser 10 lîreyên Tirk ketibû, 11 lîre jî derbas kir û rekoreke nû tomar kir.

Banka Navendî ya Tirkiyê, îro derbarê rêjeya faîzê de biryara xwe eşkere kir û ew rêje ji bo ji sedî 15 kêm kir.

Piştî ragihandina biryara Banka Navendî ya Tirkiyê dolar ji 10 lîreyan bi carekê gihîşt 11,200 lîre û nirxê pereyên tirkî di rojekê de zêdetirî ji sedî 10 kêm bû.

Herwiha euro jî bi biryara faîzê re bilind bû û nirxê yek euroyekî li beramber lîreyê tirkî gihîşt 12,76 lîreyan.