بە ئامادەبوونی سەرۆك بارزانی، پێشانگای نێوەدەوڵەتی كتێب لە هەولێر دەكرێتەوە، بۆ ئەمساڵ 300 دەزگای چاپ و پەخش بە ملیۆنێك و 500 هەزار ناونیشان، بەشدارن.

ئەمڕۆ چوارشەممە 17ی نیسان، بە ئامادەبوون و چاودێریی سەرۆك بارزانی، 16مین پێشانگای نێودەوڵەتی كتێب لە هەولێر دەكرێتەوە.

بۆ ئەمساڵ، 300 دەزگای چاپ و پەخش لە 10 وڵاتەوە، بە یەك ملیۆن و 500 هەزار ناونیشان بەشدارن، هاوكات دەزگاكان داشكاندن بۆ بەرهەمەكانییان دەكەن.

پێشانگاكە رۆژانە لە كاتژمێر 8:00 بەیانی بۆ 10:00 شەو بەردەوام دەبێت. هەروەها بە هەزاران خوێنەر لە دەرەوە و ناوەوەی عێراق سەردانی دەكەن.

ساڵانە بۆ ماوەی 10 رۆژ، لە هەولێر، پێشانگای نێودەوڵەتی هەولێر بۆ كتێب دەكرێتەوە، بەشداری سەتان دەزگای چاپ و پەخش لە 10 وڵاتی جیاوازەوە بەشداری دەكەن.