image

پەیامی کورد  ...  سەرۆكی كاتی پەرلەمانی كوردستان دەڵێ، ئامادەكاری لەلایەن سەرۆكایەتی كاتی پەرلەمانەوە بۆ كۆبوونەوەی ١٨ی مانگ دەستی پێكردووە و تا ئەو كاتە ھەموو ئامادەكارییەكان تەواو دەكەن.

سەرۆكی كاتی پەرلەمانی كوردستان، رێڤینگ ھرووری، بە ماڵپەڕی فەرمیی پارتی دیموكراتی كوردستانی ڕاگەیاند: "وەك سەرۆكایەتی كاتی پەرلەمان دەستمان بە ئامادەكارییە ئیداری و پرۆتۆكۆڵییەكان كردووە بۆ كۆبوونەوەی ١٨ی ئەم مانگە بە مەبەستی دیاریكردنی دەستەی نوێی سەرۆكایەتی پەرلەمانی كوردستان، جگە لەوەش دەستمان بە سەردانیكردنی سەرجەم فراكسیۆنەكان كردووە بۆ ئەوەی ئاگاداریان بكەینەوە، كە رۆژی ١٨ی ئەم مانگە پەرلەمان كۆ دەبێتەوە".

ھرووری گوتیشی، سەرجەم ئەندامانی پەرلەمانیش بە نامە و لە رێگەی راگەیاندنیشەوە بۆ كۆبوونەوەی پەرلەمان ئاگادار دەكرێنەوە.

دەشڵێ: "چاوەڕێی لایەنەكان دەكەین بۆ ئەوەی پێش كۆبوونەوەكە ناوی كاندیدەكانمان بۆ ڕەوانە بكەن".