image

پەیامی کورد    ...    حەمەی حاجی مەحموود داوایەک ئاراستەی حکوومەت و پەرلەمانی کوردستان دەکات

سكرتێری حزبی سۆسیالیست دیموكراتی كوردستان رایگەیاند، داوا لە حكوومەت و پەرلەمانی كوردستان دەكات چی تر خۆیان تەسلیم دەستی قەدەر نەكەن و خۆیان ئیدارەی خۆیان بدەن و ناوماڵ و داهاتی ناوخۆ رێك بخرێتەوە و ئیدارەیەكی گونجاوی پێبدرێت.
موحەمەد حاجی مەحموود سكرتێری حزبی سۆسیالیست دیموكراتی كوردستان لەپەیامێكدا كەبۆ شەش ساڵەی شەهیدبوونی عەتای كوڕی لەشەڕی داعش لە كەركوك بڵاویكردوەتەوە باسی لەوەكردوە، لە دوای شەش ساڵ جگە لەوەی ناوچە جێناكۆكەكان بە كەركوكیشەوە تەسلیم بە دوژمن و بەغداد كراوەتەوە، "ئێستاش ئەیانەوێ لە پێناو مشتێك پارەی تەزویری عێراقدا خوێنی شەهیدەكانیش بخرێتە ژێر پرسیارەوە..؟، بۆیە لەم یادەدا داوا لە حكوومەت و پەڕلەمان و هەموولایەك دەكەم چی تر خۆتان تەسلیم دەستی قەدەر مەكەن و خۆتان ئیدارەی خۆتان بدەن و خۆتان ڕێكبخەن، چاوەڕێی شۆڤێنی عەرەب لە بەغداد مەبن".
باسی لەوەشكردوە، ناوماڵی كوردستان رێكبخەن و داهات و بەروبومی كوردستان كۆبكەنەوەو ئیدارەیەكی گۆنجاو ڕێكبخەن و شەهیدەكان ئاسوودە بكەن.