image

پەیامی کورد     ...    فڕۆکەخانەی سلیمانی ئاگاداری نامەیەکی گرینگ بڵاو دەکاتەوە .

ڕۆژی شەممە ١ی ئۆگۆست گەشتی ئاسمانی لە فڕۆكەخانەكانی هەرێمی كوردستانەوە دەستپێدەكەنەوە و بۆ ئەو مەبەستەش فڕۆكەخانەی نێودەوڵەتی سلێمانی ئەم ئاگادارییەی بڵاوكردوەتەوە:

ئــــاگـــاداری

دوابەدوای بڕیاری دەستپێكردنەوەی گەشتی گەشتیاران لە فڕۆكەخانەی نێودەوڵەتی سلێمانی لە ڕێكەوتی ١-٨-٢٠٢٠ ەوە، بەپێی ڕەزامەندی دەسەڵاتی فڕۆكەوانی شارستانی عێراقی و بڕیاری لیژنەی باڵای ڕووبەڕووبوونەوەی ڤیرووسی كۆرۆنا لە حكوومەتی هەرێمی كوردستان و بەمەبەستی جێ بەجێ كردنی ڕێكارەكانی خۆپارێزی.
ئاگاداری گەشتیارانی بەڕێز دەكەین كە پێویستە پێش (٤٨) كاتژمێر لە ئەنجامدانی گەشتەكە پشكنینی (PCR) ئەنجام بدەن بۆ ئەو مەبەستە نەخۆشخانەی شەهید تاهیر علی والی بەگ لە سلێمانی - سەرچنار دیاری كراوە بۆ ئەنجامدانی پشكنینەكە ، داوا لە هاوڵاتیان دەكەین ئەوانەی كە گەشتەكانیان نزیكە پلە بكەن لە ئەنجامدانی ئەو پشكنینەبە پێچەوانەوە بەبێ ئەنجامدانی پشكنین گەشتیار ڕێگەی پێنادرێت گەشت بكات .

بەهیوای پابەندبوون و سەلامەتیتان

فڕۆكەخانەی نێودەوڵەتی سلێمانی
31-7-2020