image

پەیامی کورد     ...   ئەگەر بە نیاز نیت زوو بمری دەبێ ئەم کارە لە ژیانت دوور بخەیتەوە    

بەپێی لێكۆڵینەوەیەكی نوێ‌ كەسانی رەشبین زووتر لەو كەسانە دەمرن كە بیركردنەوەی سلبی ئاشكرایان نییە، ئەوەش بەهۆی ئەوەی كاریگەری لەسەر توشبوون بە چەند نەخۆشیەك هەیە.
لە لێكۆڵینەوەیەكی نوێدا كە ماڵپەڕی "دەیلی مەیڵ"ی بەریتانی بڵاویكردوەتەوە زانایان باسیان لەوەكردوە، ئەو كەسانەی كە بەردەوام پێشبینی سلبیان بۆ داهاتوو هەیە و ڕەشبینن دوو ساڵ یاخود زیاتر پێش ئەو كەسانە دەمرن كە رەشبین نین، بەڵام ئەوانەشی گەشبینن تەمەنیان بەهۆیەوە درێژ نابێتەوە.
ئەو تیمەی كە لە پەیمانگای لێكۆڵینەوە پزیشكیەكان QIMR Berghofer لە بریسبانی ئوسترالیایە باسیان لەوەكردوە، ئەوانەی ڕەشبینن گرینگی بەخۆشیان نادەن ئەوەش دەبێتە هۆی تێكچوونی تەندرووستیان لە كاتێكی زووتردا بە بەراورد بە كەسانی تر.
زانایان پەیوەندی چەند نەخۆشیەكيان لەگەڵ ڕەشبینی دۆزیوەتەوە، دكتۆر جۆن ویتفیڵد زانای بواری كیمیای زیندەیی دەڵێت، لێكۆڵینەوە لە ڕەشبینی و كاریگەری لەسەر مردن كراوە و دەركەوتوە ئەوانەی ڕەشبینن سەبارەت بە داهاتوو زیاتر مەترسی مردنی پێشوەختیان لەسەرە ئەوەش بەهۆی نەخۆشیەكانی دڵ و ملولەكانی خوێن و چەندین هۆكاری تر .