image

پەیامی کورد     ...    هێزی ڕزگاری چینی (PLA) کەشتییەکی جەنگی رەوانەی کەنداوی عەدەن کرد.

بەگوێرەی میدیاکانی چین، سەرلەبەیانی دوێنێ شەممە هێزی ڕزگاری چینی " PLA " ٣٧ هەمین کەشتی جەنگی لەبەندەری سانیا لەناوچەی هەینان لەباشووری ووڵاتەکەیەوە رەوانەی ئاوەکانی کەنداوی عەدەن کرد.
بەگوێرەی زانیارییەکان، ئەو کەشتییە جەنگییە بەمەبەستی پاسەوانیکردنی چەند کەشتییەکی مەدەنی رەوانەکراوە و سیستەمی تێکشکێنەری مووشەکی " شانگشا " -ی،سیستەمی مووشەکی یۆلین پێداویستی دیکەی سەربازی هەڵگرتووە.
میدیاکانی چین بڵاویشیانکردەوە، کەشتییەکە ٧٠٠ ئەفسەر و سەربازی لەخۆگرتوە کە سەربازی ئۆپراسیۆنە تایبەتەکانیشی تێدایە.
ئەوەش زانراوە، یەکەمین جارە کەشتی شانگشا بەشداری ئۆپراسیۆنی پاسەوانیکردن جێ بەجێ دەکات.
لەساڵی ٢٠٠٨-ەوە هێزی ڕزگاری چینی  " PLA "  ئەرکی چاودێریکردنی کەشتییە مەدەنییەکانی لەئەستۆگرتووە و بەبەکارهێنانی چەکی پێشکەوتووی دەریایی ئەرکەکانی جێبەجێدەکات.