image


پەیامی کورد ... داعش چەند خاڵێکی سەربازی لە سوریا دەگرێت

 

چەكدارەكانی داعش چەند خاڵێكی سەربازییان لە سنوری پارێزگای حەما لە سوریا گرت.

 

چەكدارەكانی داعش هاوكات لەگەڵ بۆردومانی چڕی فڕۆكەكانی سوریا و روسیا هێرشیانكردەسەر بنكەكانی سوپای سوریا لە پارێزگای حەما و توانیان چەند خاڵێك بگرن لە ریفی خۆرهەڵاتی حەما.

 

ئەو هێرشەی داعش بە توندترین هێرش دادەنرێت بۆ سەر سوپای سوریا كە توانیویانە دوو خاڵ لە ناوچەكانی شاكوزی و رهجان بگرن.

 

سوپای سوریا سەرباری پشتیوانی ئاسمانی نەیانتوانیوە پێش بە هێرشەكەی داعش بگرن.

 

روانگەی سوریا بۆ مافەكانی مرۆڤ رایگەیاندووە لە شەڕەكەدا 19 ئەندامی سوپای سوریا و 12ی چەكداری داعش كوژراون و دەیانی دیكەش لە هەردوولایەنی شەڕ بریندار بوون.