image

پەیامی کورد      ...    بەرپرسانی یەمەنی حووثییەکانیان تاوانبار کرد .

بەرپرسانی یەمەنی حووثییەکانیان بە هێرش کردن بۆ سەر دامەزراوە نەوتییاکنی ئەو ووڵاتە تاوانبار کرد .

وەزارەتی نەوتی یەمەن لە هێرش بۆ سەر دامەزراوە نەوتییەکانی ووڵاتەکەی هەواڵی دا .

بە پێی ڕاپۆرتێک لە سەبا ، وەزارەتی نەوتی یەمەن ڕایگەیاند : میلیشیا سەربازییەکانی ئەنسارۆڵلا " حووثییەکان " هێرشیان کردووەتە سەر ویشتگەیەکی پۆمپاژی نەوتی لە پارێزگای مەئاریب لە باکووری ئەو ووڵاتەدا 

لە بەیاننامەیەکدا ئەم وەزارەتە ڕایگەیاندووە کە وێستگەی پۆمپاژی نەوتی سەر بە کۆمپانیای " صافر " لە ناوچەی صراوخ لە لایەن حووثییەکانەوە کراوەتە ئامانج .

پێشتر سەرچاوەیەکی سەربازی ڕایگەیاندبوو کە هاوپەیمانی عەرەبی بە ڕابەرایەتی عەرەبستانی سەعوودی لە شەڕ لەگەڵ میلیشیاکانی ئەنسارۆڵڵا " حووثییەکان " کە هێزیان لە باکووری یەمەن لە دەستدایە ، ئۆپراسیۆنێکی بەرفراوانیان لە دژی ئامانجگەلی سەربازی حووثییەکان دەست پێکردووە و مۆڵگە و بنکەکانی ئەوانیان لە پایتەختی یەمەن " سەنعا " بۆمباران کردووە .