image

ئایە کازم ساهر وازی لە کچە خۆشەویستە تونسییەکەی هێناوە؟

لەم دوایانەدا هونەرمەند کازم ساهر لەگەڵ خانمە شوخ و شەنگێکدا دەردەکەوێت و لە چەند وێنەیەکیشیدا دەستی خستووەتە سەر شانی و پێکەوە دەردەکەون.

ئەم وێنانەی کازم ساهر، پرسیاری لای زۆر هەوادارانی و دەزگا راگەیاندنەکانیش دروست کردووە، ئایا کازم ساهر وازی لە خۆشەویستە تونسییەکەی هێناوە، بەتایبەتی دوای رۆیشتنی خۆشەویستە تونسییەکەی (سارا) بۆ فەرەنسا بە تەنیا بۆ سەردانیکردنی کەس و کارەکەی.

دەزگا میدیاییەکان هەر زوو ناسنمامەی ئەو کچەیان ئاشکرا کرد کە لەگەڵ کازم ساهر دا دەرکەوتووە و ئەو ئامێری پیانۆ دەژەنێ و ئەو خۆشەویستی کازم نییە بەڵکو هاوڕێیەکی نزیک و دراوسێیەتیشی لە ئیسپانیا.

بەپێی زانیارییەکان کازم ساهر بڕیاری خۆی داوە لەگەڵ (سارا)ی خۆشەویستی لەم هاوینەدا هاوسەرگیری بکەن و کازم ساهریش چەند کۆنسێرتێکی گۆرانی دەکات لە میسرەوە دەست پێ دەکات و ماوەی نزیکە 10 ساڵە لەم کۆنسێرتانەدا بەشداری نەکردووە.