image

PeyamaKurd - Komên çekdarên girêdayî Tirkiyê û alîgirên wan ên li bajarê Serê Kaniyê yê Rojavayê Kurdistanê yê dagirkirî, li dijî Fransayê xwepêşandaneke protestoyî li dar xistin û ala DAIŞê bilind kirin.

Dîmenên wê xwepêşandanê li ser torên medya civakî hatin belavkirin ku di wan de xuya dike, çekdarên bi ser Tirkiyê ve û alîgirên wan li dijî Serokomarê Fransayê Emmanuel Macron ala DAIŞê bilind dikin û û dirûşmên dijî Fransayê diqîrin.

Xwepêşandana li Serê Kaniyê piştî daxuyaniyên Erdogan ên dijî Macron û Fransayê pêk hatiye ku li ser gelek mijarên wekî Rojhilatê Derya Spî, Libya, Sûriye û Qisrisê nakokî di navbera wan de hene.

Emmanuel Macron piştî serjêkirina mamosteyekî Fransî ji aliyê kesekî cîhadî ve daxuyanîyên derbarê îslamîstên radîkal dabûn û Serokomarê Tirkiyê Recep Tayyip Erdogan ji Macron re gotibû, ji aliyê hişê xwe ve nexweşe û divê bê tedawîkirin.