image

Şaciwana Iraqê Sarah Idan û Şaciwana Îsraîlê Adar Gandelsman ku ji bo Pêşbaziya Bedewa Gerdûnê li Amerîkayê ne, bi hev re wêne kişandin û li ser Instagramê belav kirin.

Piştî ku wêne hate belavkirin, di navbera welatiyên Iraqê de gengeşî dest pê kir. Tevî ku bikarhênerên medyaya civakî yên ku li Iraqê dijîn diyar dikin ku ev wêne nayê qebûlkirin, Sarah Idan bersiveke tund da.

Sarah Idan ku wêneyê jênebir û wêneyeke din jî parve kir, wiha bersiv da: “Ev wêne ji bo pêkanîna aştiya navbera herdû welatan tenê hêvî û daxwazek e.

Wêneya ku min beriya niha parve kir, bila neyê wê wateyê ku ez piştgirî didim Hikûmeta Îsraîlê û polîtîkayên wan ên li deverên Ereban qebûl dikim.” Şaciwana Îsraîlê Adar Gandelsman jî peyamek nivîsand ku dixwaze di navbera civakên Cihû û Misilmanan de dostanî û aştî hebe.