image

PeyamaKurd - Li gorî taybetiya nû wê bê zanîn ka gelo kesên ku Instagramê bi kar tînin çiqas dema xwe di Instagramê de derbas dikin.

Tora medyaya civakî ya vîdeo û wêneyan Instagram roj bi roj popîlertir dibe. Bi gelemperî li dinyayê nêzî 800 milyon kes, li Tirkiyê jî 25 milyon kes Instagramê bi kar tînin. Instagram bi bikaranîna taybetiyeke nû cardin balê kişand ser xwe.

Li gorî îdiayan ev taybetiya nû wê bide zanîn ka kî çiqas dema xwe di Instagramê de derbas dike. Li gorî îdiayan Instagram ev demeke bêyî ku eşkere bike vê taybetiyê bi kar tîne.

Çend kesên pisporê teknolojiyê vê ferq dikin û parve dikin. Piştê ku ev îdia belav bû xwediyê Instagramê Kevin Systrom li ser hesabê yê twitterê vê îdiayê piştrast kir û got em ê di demeke nêz de bi awayekî eşkere bi her kesî re parve bikin.