image

Piştî xiyaneta ku li Kerkûkê hat kirin û xiyanetkaran Kerkûk radestî Iraqê û Îranê kirin, rayedarên Iraqê bi piştgirîya Tehranê bi ser xwe ve çûn, pozê wan bilind bû û zêdetir dijminatîya Kurd û Kurdistanê kirin û dikin.

Di derbarê pozbilindîya rayedarên Bexdayê de Akademîsyen û pisporê siyasî Dr. Saman Şalî, anî zimên ku Bexda bûye xwedî pozbilindîyek mezin û got: „Lê bila Bexda zanibe ku ew siyaset jê re naçe serî û guhertinên mezin di rê de ne“.

Dr. Saman Şalî, ji çapemenîyê re anî zimên ku “Piştî bûyerên 16. 10.2017 Bexda pir pozbilind bûye û dixwaze hemû daxwazên xwe li ser hikûmet û xelkê Kurdistanê ferz bike“ û got: „ Ev pozbilindî û ev siyaseta Bexdayê jê re naçe serî . Ez bawer dikim wê guhertinên mezin li navçeyê çêbibin. Bila Hikûmeta Iraqê zanibe ku ew bûyerên çêbûne ne serketina Ebadî bû, lê karê Îranê bû”.

Saman Şalî, sedema dîaloga Bexda ya bi Kurdistanê re jî anî zimên û ragihand ku „Bexda neçar e dîalogê bi Kurdistanê re deyne, ji ber ku Hêzên Pêşmerge di enîya şer de serkeftî ne û ya din jî yekdengîya alîyên siyasî yên Herêma Kurdistanê ye“.


Z.B