image

PeyamaKurd- Şirketa anketan ya bi navê SAMERê li bajarên Kurdan anketek çêkir. Li gorî encamên anketê AKP dikeve û HDP bilind dibe.

Şirketa anketan ya bi navê SAMERê li bajarên ku bi piranî Kurd lê dijîn anketek çêkir. Anket li 18 bajarên wekî Erzirom, Eyntab, Riha, Semsûr/Adiyaman, Mûş, Wan, Diyarbekir, Mêrdîn û Qersê hate çêkirin. Bi 2 hezar û 100 kesî re rû bi rû hatiye çêkirin. Li gorî encamên anketê piştî hilbijartina 1ê Mijdarê, careke dî rayên HDPê bilind dibin.

Li gorî beşdarên anketê, ji %65.9 kes bawer dikin ku hilbijartin di şertên wekhev de pêk nayê. Ji %26.6 kes jî bawer dikin ku hilbijartin di şertên wekhev de pêk tê. Piraniya van 26.6an jî hilbijêrê AKPê ne.

Li pirsa ku dibêje “Heke vê yekşemê hilbijartin çêbibe hûn ê raya xwe ji kê re bidin?” ev bersiv hatine dayîn:

HDP: %39

AKP: %33.7

CHP: %8.4

MHP: %4.7

İP: %3.7

SP: %1.5

Biryar nedane: %6.6

Di hilbijartina 1ê Mijdarê ya sala 2015an de heman koma hilbijêran rayên xwe bi vî rengî dane:

HDP: %34.3

AKP: %36.5

CHP: %6.7

MHP: %4.7

Rayên xwe nedane: %14.4