image

Îsraîl bi 100 balafiran li welatê xwe tatbîqatê kir. Ev tatbîqat di dîroka Îsraîlê de ya herî mezin e. Tê gotin ku wê Îsraîl êrîşê Lubnanê bike. Hedefa Îsraîlê ku bikeve %65 ê axa Lubnanê û baregehên Hîzbûllahê bixe destê xwe.

Îsraîl temamê sefaretên xwe yên dinyayê li gor pêşdeçûnên Lubnanê amade kiriye. Tê gotin bi êrîşa ser Lubnanê re, hêzên hevpeyman yên di bin serokatiya Amerîka de, xwe amade dikin ku êrîşan bibin ser Yemen û Qatarê. Li gor plan, wê Îsraîl li Lubnanê bixe û Emarat û Erebistan jî Qatarê bê bandor bike. Li gor vê plana ku di bin serokatiya Amerîka de çêbûye, ji kendavê heya Iraq û Sûriyê li ser wê xetê wê şerên mezhebî bidin destpêkirin û di gelek welatan de nexşe bê guhertin. Tê gotin ku dê Îran di ser Bahreynê de bersiva van operasyonan bide.

Mijar ji Riyadê destpêkir û Herîrî îstîfa kir. Di îstîfa xwe de Herîrî ragihand û got: “Ji ber planek hebû ku jiyana min dikir hedef û min dev jê berda.’ Piştî îstîfayê Emarata ziyaret kir. Şiroveyên ku Îran û Hîzbûllahê tewanbar dikir, kir. Tatbîqata ku Îsraîlê li seranserê sînorê Lubnanê kir, weke amadekariya asta berî êrîşê tê şirovekirin.

Li gor agahiyan; pêla êrîşa artêşa Îsraîlê û di peyde jî operasyona bejayî wê dest pêbike û dawî li hebûna Hîzbûllahê bîne.