image

PeyamaKurd - Li mekanê bi navê Şa Performans a li Beyogluya Stenbolê 7-8 û 9ê vê mehê bi koordînatoriya derhêner Bilal Korkut pêşandana kurtefîlmên xelatgir ên kurdî tê lidarxistin.

Di çarçoveya vê çalakiya hunerî de, dê di 3 rojan de 12 kurtefîlmên kurdî ên xelatgir bêne nîşandan.

Derhêner Bilal Korkut diyar kir ku armanca lidarxistina vê çalakiya li Şa Performansê ew e ku temaşevan û derhênerên kurd zêdetir hevdu binasin.

Korkut derbarê vê çalakiyê de got, “Em dê li Şa Performansê di 3 rojan 12 kurtefîlmên derhênerên kurd bidin nîşandan. Bi vê mînîfestîvalê me xwest em temeşevanên xwe û derhênerên xwe binasin. Derdê me ew e ku kesên bi sînemayê re eleqadar li hev bicivin û hewdu binasin.”

Hat zanîn dê di pêşandanên kurtefîlman de zêdetir fîlmên ku di nav du salên dawiyê de hatine çêkirin û xelat stendine werin pêşandan.

Korkut dibêje, “Her du mehan carekê em dixwazin ji kurtefîlman guldesteyeke nû bidin pêşandan û bi vî awayî kurtefîlmên kurdî bigihîjin zêdetir temaşevanan.”

Bernameya nîşandana fîlman: